MAURITANIE : Weelekan bɛ ka bɔ fan caman na tungatagala dɔw ka lahalaya kan, minnu bɛ Algérie
Jɔrɔnanko Mauritanie jamanaden tungatagala dɔw somɔgɔw fɛ nin waati in na. U fanba ye Mauritanie ani La Guinée jamanadenw de ye. U tun b’a ɲinina ka tɛmɛ Maroc fɛ ka farajɛla magwɛn. Nga o jamana lakana tigilamɔgɔw y’u minɛ k’u bila ka taga Algérie dancɛ la. Weelekanw tɛ ka mada Mauritanie kɔnɔ, nin tungatagala ninnu ka lahalaya kan.
A jɛnsɛnna :
Sanga 1 Temps de lecture
U somɔgɔw bi k’u ka yɔrɔ yira, wa Mauritanie wasaden dɔw fana y’u kanbɔ kɔsa in na k’a laɲini marabagaw ka kuma ni Algérie taw ye k’a ɲini k’a faamuya jɔnjɔn sɔrɔ tungatagala ninnu ka lahalaya kan.
O mɔgɔw ye Mauritanie ani La Guinée jamanaden tungatagalaw ye. U sera Maroc n’u tun bɛ k’a ɲini ka Îles Canaries magwɛn.
U somɔgɔw ka seereyaw la, Maroc polisiw y’u minɛ k’u bila kaso la. Yasa k’u ka nisɔngoya yira, ko tungatalata ninnu tun y’a daminɛ k’u ban dumuni ma. Ko polisi ninnu labanna, k’u cɛ, ka taga n’u ye foo Algerie dancɛ la, saheli kungo jalan kɔnɔ, k’u bila yen.
Tungatala dɔ b’a seereya k’u seelen ye, lakana tigilamɔgɔ ninnu ye kisɛ ci sanfɛ, walasa k’u diyagoya ka bɔ Maroc dugukolo kan. A k’o marifacikanw y’a to jama jɛsɛnna. Kabi lɔgɔkun tɛmɛni dɔw ti ka yɔrɔ-yee wa u somɔgɔw fana tini kibaruya fosi yee u lahalaya kan.
Kunnafoniaw b’a yira fana ko tungatagala ninu cɛman, Mauritanie jamanaden 7 yɔrɔ yera Algérie, k’u donna mobili dɔ kɔnɔ min tun bɛ ka taga Rabat. U b’a fɛ ka tɛmɛ Maroc fɛ tuguni walasa k’u bɔjamana Mauritanie lasɔrɔ . Nga siranya fana be yen, Maroc polisiw kan’u minɛ ka taga n’u ye Algérie dancɛ in na kokura.
Crédit: Lien source