RD Congo, sariyasunba kɔlɔsili kiribulon ye sira di, sariyasunba falenni laɲiniw ma
O laseli kɛra kunu kirisoba in yɛrɛ defɛ jamana ka jabaraniso sanfɛ. Ni sariyasunba falenni laɲini bɛ sira di jamanakuntigi Felix Tshisékedi ma, k’a kanbɔ sarati 3na nɔ fɛ. Ale yɛrɛ ka fanga kan ka kuncɛ san 2028.
A jɛnsɛnna : A falenna :
Sanga 1 Temps de lecture
Sariya sunba kɔlɔsili kiriblɔn ɲɛmɔgɔ Dieudonné Kamuleta Badibanga yɛrɛ de y’o sɛbentia, jamana in jabaraniso sanfɛ ko sariya sunba faleni laɲini in te sariya sɔsɔ wale ye marabagaw fɛ.
O kun kɔrɔ, kirisoba in sɔna sariya sen dɔw ma, minu bɛ kɛ sababu ye jamana kuntigi bɛ se ka faleni dɔn sariya sunba la, ni gɛlɛya dɔna fanga sigiblɔn kɔnɔ.
Kasɔrɔ RD Congo sariya sunba b’a fo, ko yelema te se ka dɔn jamana kuntigi ka sarati hakɛya, n’a kuntakala la.
Nga sariya sunba kɔlɔsili kirblɔn y’a yɛrɛ minɛ, ka a ka yamaruya di sariya sen dɔw faleni ma, inafɔ ka yamaruya di jamana kuntigi ma ka hakilina yira kalataw boloda.
Sariya sunba faleni laɲini in tara wasablɔn fɛ, o min fanba be fanga ka wasadenw bolo, juin kalo tɛmɛne de la.
Sisan, hali ni faleni dɔna sariya sunab la, jamana kuntigi de b’a fɔ, n’o faleniw bɛ do ba la, walima, n’o te do ba la.
Jamana kuntigi Felix Tshisékédi yɛre y’a pre pre latigi kunafonidi kɛnɛ dɔ senfɛ, mai kalo tɛmɛne, k’ale ka laɲini te ka kanbɔ sarati 3na nɔfɛ, nga ko ni o de kadi jamanadenw ye, k’ale bɛ sɔn o ma.
Fanga sinaw te ka o laɲini in ye ni ɲɛ ɲuman ye, ni kalo labanw la, olu yɛre ye wilikajɔw caya, ka sariya sunba faleni laɲini in kɔn.
Juin kalo kilé 12 wilikajɔ tɛmɛne, fanga sina mɔgɔ dɔw jogina na, o wilikajɔ senfɛ, o min laban na kariɲɔgɔn la, fanga kɔkɔrɔmado bagaw ani lakana tikilamɔgɔw ni ɲɔgɔn cɛ.
Crédit: Lien source